APOIÁDENOS. QUEREMOS QUE SE DOTE O IES CUN PROFESOR DE PEDAGOXÍA TERAPÉUTICA

Temos que seguir traballando para que mellore o noso IES. 

Apoiádenos dando publicidades a esta mensaxe á Consellería de Educación.

A Administración recorta na educación dos máis débiles, dos máis necesitados, cando suprime unha das prazas de profesor de Pedagoxía Terapéutica, polo que queremos amosar o noso total desacordo con esa decisión totalmente inxusta e discriminatoria.

Instamos á Consellería a dotar ao IES da Pobra con outr@ profesor de Pedagoxía Terapéutica para atender as necesidades dos nenos e nenas con dificultades de aprendizaxe.

ASEMBLEA ORDINARIA OUTUBRO 2014

O PP VOTA EN CONTRA DA COMUNIDADE EDUCATIVA DA POBRA

O PP da Pobra votou en contra da Comunidade Educativa do concello ao utilizar a súa maioría absoluta para rexeitar, no Pleno Municipal deste xoves, esta moción  que presentou o BNG e que foi apoiada tanto polo PsdeG como por  Compromiso por Galicia. A concelleira definiuna como unha moción oportunista (foi presentada ao Pleno o día 11 de setembro, cando o goberno local  aínda  falaba de pequenos problemas de pintura).

A semana pasada a ANPA do IES entrevisouse con representantes de todos os partidos políticos da vila buscando unha unidade que, esperabamos, se demostrara no apoio unánime á moción que xa presentara o BNG a primeiros de setembro. Desafortunadamente, o PP decidiu desmarcarse e votou en contra.

 

SOBRE O ACORDADO POLA A ADMINISTRACIÓN

Dende a ANPA do IES da Pobra e en relación ao acordado pola Administración de Educación no que respecta á problemática do instituto queremos poñer de manifesto o seguinte:

•      O IES da Pobra ten un número elevado de alumnado con necesidades educativas especiais polo que, ata este curso, o centro contaba con dous profesores especialistas a tempo completo e un máis a media xornada . A  Administración recorta na educación dos máis débiles, dos máis necesitados, cando suprime unha das prazas provisionais de profesor de Pedagoxía Terapéutica, polo que queremos amosar o noso total desacordo  con esa decisión totalmente inxusta e discriminatoria.

• ·      É positivo que a Administración asuma finalmente que o noso IES ten serios problemas de humidades, gretas e goteiras e que, como nós reclamamos, é necesario que sea un equipo técnico e cualificado  o que faga o informe imprescindible para encontrar a solución definitiva ás deficiencias. Levamos intentando que a Administración tomase esas decisións dende o mes de xullo. Pero queremos manifestar que esta ANPA non pode nin debe  consentir, de ningún xeito, que o alumando do centro conviva un día máis con pingueiras nas aulas ou noutras instalacións do instituto,  polo que instamos á administración a que considere o problema das goteiras unha prioridade á que darlle solución

• Confiamos en que finalmente, e antes de que acabe o ano, se leven a cabo as obras relativas á eliminación das barreiras arquitectónicas e de conexión do instituto coa rede municipal de saneamento, ambas, demandas moi antigas da Comunidade Educativa do IES e de obrigado cumprimento.

• ·     Consideramos esencial para o alumnado do IES, que ten o privilexio de contar con case 200 ordenadores do Plan Abalar e excelentes profesionais da educación formados no uso das novas tecnoloxías, que se aumente o ancho de banda no que respecta á conexión a internet. Dende o noso punto de vista, a administración educativa non debería desoír as demandas do profesorado do IES ao respecto. Trátase  de  aproveitar os recursos da inversión pública xa efectuada para mellorar a calidade da educación dos nosos fillos e fillas.

•  Estamos satisfeitos porque  finalmente foi comprometida a actuación que solicitamos en dous escritos que presentamos ante o Concello no mes de abril, e reiterado en maio, nos que advertimos sobre los riscos que o  actual estado do acceso superior ao complexo de edificios representa para la seguridade dos alumnos.

•  Agradecemos a todo o profesorado do IES, e en especial ao equipo directivo, o seu traballo diario pola mellora do instituto en todos os aspectos; a pesar de que a Administración se pronunciara dunha forma tan inxusta contra eles.

• ·    É responsabilidade da ANPA traballar por mellorar tanto as instalacións como  a calidade da educación no noso instituto polo que seguiremos reclamando a intervención das diferentes institucións na procura de conseguir os nosos obxectivos.